Ka ndërruar jetë 29-vjeçarja Xhanina Hoxha, e cila mbeti e plagosur ditën e djeshme në një aksident në afërsi të Pogradecit. Policia e Korçës njofton se ajo ka ndërruar jetë gjatë transportimit për në spitalin e Traumës në Tiranë.
Sipas uniformave blu K. G., 42 vjeç, banues në fshatin Shqitas, Maliq, në segmentin rrugor Grunjas-Kakaç, duke drejtuar mjetin tip “Ford”, ka dalë nga rruga duke i marrë jetën Xhanina Hoxhës.
Ndërkohë, drejtuesi i mjetit, për të cilin policia ka nisur procedim penal ndodhet në spitalin e Traumës, nën kujdesin e mjekëve. Materialet i kaluan Prokurorive së Rretheve Gjyqësore Korçë e Pogradec për veprime të mëtejshme.
