Aksident i rëndë në Librazhd-Qafë Thanë, kamioni përplas autobusin, 2 të plagosur

Një tjetër aksident është shënuar paraditen e kësaj të diele në aksin rrugor Librazhd-Qafë Thanë.

Ngjarja ka ndodhur në vendin e quajtur Urakë, ku një kamion 

Që drejtohej nga D.B., banues Elbasan është përplasur me një autobus që drejtohej A.Ll., banues në Lushnje.

Si pasojë janë dëmtuar dhe ndodhen në spital jashtë rrezikut për jetën dy pasagjerë të identifikuar me iniciale L.S., 50 vjeç, banues në Lushnjë dhe A.L., 30 vjeç, banues në  Divjakë.

Grupi hetimor ndodhet në vendngjarje dhe po punon për sqarimin e rrethanave dhe shkakut  të aksidentit.

Theksojmë se ky është aksidenti i dytë i shënuar këtë mëngjes, ku të plagosur kanë mbetur disa persona. Dyshohet se shkak është bërë shpejtësia përtej normave të lejuara, teksa policia rrugore nuk ka qenë në patrullim.