Aksident i rëndë në rrethrrotullimin e Cërrikut, plagosen 2 shoferët dhe 3 pasagjerë

Një aksident i rëndë ka ndodhur pak minuta më parë te rrethrrotullimin e Cërrikut, ku janë përplasur dy automjete.

Sipas informacioneve të para, dy persona ndodhen në gjendje të rëndë shëndetësore, ndërsa ende nuk dihet numri i saktë i pasagjerëve që ndodheshin në mjetet e përfshira.

Forcat e policisë kanë mbërritur menjëherë në vendngjarje dhe po punojnë për zbardhjen e plotë të dinamikës së ngjarjes. Burime nga vendi i ngjarjes bëjnë me dije se shkak i mundshëm i përplasjes dyshohet të ketë qenë shpejtësia mbi normat e lejuara, e kombinuar me lagështirën në rrugë si pasojë e kushteve atmosferike.

Njoftimi i Policisë:

Policia bën me dije se në aksin rrugor “Elbasan–Cërrik”, në fshatin Valas, automjeti me drejtues shtetasin B. V., 71 vjeç, është përplasur me automjetin me drejtues shtetasin M. C., 29 vjeç. Si pasojë e aksidentit janë dëmtuar të dy drejtuesit e automjeteve, si dhe tre pasagjerë në automjetin me drejtues shtetasin M. C.

gijotina.com/