Aksident i trefishtë në aksin Lezhë- Shkodër, raportohet për një grua të plagosur rëndë

Një aksident i rëndë ka ndodhur rreth orës 12:00 të së dielës në aksin rrugor Lezhë-Shkodër, pranë fshatit Kakarriq.

Sipas informacioneve paraprake, tre automjete janë përplasur mes tyre, duke shkaktuar dëme të konsiderueshme.

Raportohet se si pasojë e aksidentit, një një grua mbeti e plagosur  rëndë.

E plagosura u dërgua me urgjencë për ndihmë mjekësore në Spitalin rajonal të Lezhës, nga ku mësohet se ndodhet nën kujdesin e bluzave të bardha jashtë rrezikut për jeten.

Ndërkohë policia, e cila mbërriti menjëherë në vendin e ngjarjes, nisi hetimet për zbardhjen e shkaqeve dhe rrethanave të këtij aksidenti të trefishtë, nga i cili u bllokua për disa minuta dhe njëri krah i lëvizjes përgjatë aksit Lezhë-Shkoder, duke sjellë trafik të rënduar.

Ky aks rrugor vijon të jetë problematik sa i përket aksidenteve, ku mos respektimi i rregullave të qarkullimit rrugor dhe mungesa e standarteve në rrugë është shkaku kryesor i tyre.