Tre automjete janë përplasur mëngjesin e sotëm në Elbasan. Burime policore bëjnë me dije se ngjarja ka ndodhur rreth orës 08:30, në aksin rrugor Cerrik-Gramsh.
Janë përplasur 3 automjete, konkretisht një automjet tip “Benz” me shoferin e identifikuar me iniciale R. Xh., një automjet tip “ Benz” me shoferin e identifikuar me iniciale K. M., dhe automjeti tip “Volkswagen” me drejtues D. A.
Si pasojë e përplasjes është dëmtuar pasagjerja në automjetin tip “Benz “ e identifikuar me iniciale M. M., e cila ndodhet për mjekim në spitalin e Cërrikut, jashtë rrezikut për jetën.
Paraprakisht dyshohet se shkak i këtij aksidenti është bërë shpejtësia përtej normave të lejuara dhe shkelja e sinjalistikave rrugore. Ndërsa policia nuk ka qenë në patrullim.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post