Makina përplas për vdekje një person në autostradën Fier-Vlorë

Një aksident i rëndë është shënuar në autostradën Fier-Vlorë.

Mësohet se një automjet ka përplasur për vdekje një këmbësor 60-vjeçar.

Ngjarja ka ndodhur pranë fshatit Fitore.

Viktima ishte duke kaluar rrugën kur u godit nga një automjet tip Ford.

Drejtuesi i mjetit është shoqëruar në polici.

“Sot, rreth orës 15:50, në autostradën “Fier-Vlorë”, në afërsi të fshatit Novosel, shtetasja K. Gj., 44 vjeçe, duke drejtuar automjetin tip “Ford”, ka aksidentuar një shtetas mashkull, ende të paidentifikuar, rreth 60 vjeç, këmbësor, i cili si pasojë e dëmtimeve të marra ka humbur jetën në vendngjarje.

Grupi hetimor ndodhet në vendngjarje dhe po kryen veprimet e mëtejshme për aksidentin”, thuhet në njoftim.