Një aksident ka ndodhur pak minuta më parë në aksin rrugor Lezhë-Shkodër, në afërsi të fshatit Balldre. Dy automjete janë përplasur dhe si pasojë ka mbetur i lënduar shoferi i fugonit të mallrave me inicialet GJ.N., i cili është dërguar në spitalin e Lezhës dhe është nën kujdesin e mjekëve.
Fugoni ka qenë i ndaluar në kryqëzim për shkak të një defekti dhe në momentin kur shoferi ka hapur derën për të zbritur për të parë kontrolluar mjetin, në këtë moment është përplasur nga një makinë tjetër që po kalonte në korsinë e tij dhe e ka goditur shoferin. Ndërkohë, burime nga vendngjarja bëjnë me dije se mjeti tjetër i aksidentuar është larguar nga vendi i ngjarjes.
Policia ndodhet në vendngjarje dhe po punon për zbardhjen e shkaqeve të aksidentit.
