Një tjetër aksident i rëndë është shënuar mbrëmjen e kësaj të diele në kryeqytet. Burime bëjnë me dije se tre makina janë përplasur me njëra-tjetrën në Tiranë. Ngjarja ka ndodhur para pak minutash në rrugën “Dritan Hoxha”, pranë Pallatit të Sporteve “Asllan Rusi”.
Mësohet se është përplasur një automjet i llojit “Mercedez Benz” me një “Audi Q5” dhe më pas të dyja bashkë kanë goditur nga pas një mjet të llojit “Ford”.
Dëmet materiale janë të shumta, por nuk dihet nëse ka persona të lënduar. Mjeti me ngjyrë të bardhë për shkak të përplasjes ka qenë gati duke kaluar në anën tjetër të rrugës.
Paraprakisht dyshohet se shkak është bërë manovrat e shpejtësisë dhe mosrespektimi i sinjalistikave rrugore, ndërsa policia nuk ka qenë në patrullim.
Bilanci i aksidenteve vijon të rritet.
Discussion about this post