Aksident tragjik, ndërron jetë 18-vjeçari

Një ngjarje e rëndë ka ndodhur në Chalkidiki të Greqisë, ku si pasojë e një aksidenti me motor ka humbur jetën një 18-vjeçar shqiptar.

Motori me të cilin po udhëtonte shqiptari humbi kontrollin,  e si rrjedhojë doli nga rruga.

Përplasja ishte aq e fortë sa që 18-vjeçari humbi jetën në vend, shkruajnë mediet greke. Ndërkohë mësohet se drejtuesi i motorit, shtetas grek është lënduar.

Shqiptari ndodhej pas shokut të tij, hipur mbi motor kur mjeti doli nga rruga. Pas daljes nga spitali, shoferi i  i motorit  do të arrestohet pasi sipas autoriteteve helene drejtonte motorin pa leje drejtimi.