Aksident tragjik në Tiranë, motori përplaset me shtyllën e tensionit, vdes 30- vjeçari

Një aksident tragjik është shënuar paraditen e sotme në Tiranë. Burime nga policia për gijotina.com bëjnë me dije se ngjarja ka ndodhur rreth orës 13:35, në Kamzë, në vendin e quajtur “Tre fushat”,

Të njëjtat burime bëjnë me dije se shoferi i identifikuar me iniciale E. K., rreth 30 vjeç, duke drejtuar motorin, ka humbur kontrollin mbi drejtimin e motorit dhe ka dalë nga rruga duke u përplasur me një shtyllë tensioni.

Si pasojë e përplasjes, i riu ka humbur jetën në vendngjarje.

Paraprakisht dyshohet që ngjarja të ketë ndodhur si pasojë e shpejtësisë përtej normave të lejuara, ndërsa policia nuk ka qenë në patrullim.

Grupi hetimor ndodhet në vendngjarje dhe po punon për sqarimin e rrethanave të aksidentit.