Mëngjesin e sotëm një aksident i rëndë automobilistik ndodhi në autostraën Tiranë-Durrës. Për pasojë humbën jetën dy pasagjere. Njëra është identifikuar si Silva Gjergji nga Rubiku. 26-vjeçarja ishte në mjet së bashku me një vajzë tjetër, e cila gjithashtu mbeti viktimë. Drejtues i automjetit ishte Arbër Tivari, i cili ndodhet në spital në gjendje të rëndë.
Të rinjtë po udhëtonin drejt kryeqytetit dhe dyshohet se shpejtësia në drejtim është shkak i aksidentit, po nuk përjashtohet as ndonjë rrethanë e pazakontë në rrugë që e ka detyruar shoferin të devijojë dhe të humbasë kontrollin mbi drejtimin e mjetit.
Policia i ka komunikuar masën e arrestit të riut nga Durrësi në spitalin e traumës në Tiranë.
Tivari ka qenë duke drejtuar automjetin tip Ford Ka me targë AA014ZE nga Durrësi në drejtim të Tiranës, kur ka dalë nga rruga duke marrë me vete edhe barrieren metalike anësore e cila është palosur brenda në kabinë. Si pasojë e këtij aksidenti kanë gjetur vdekjen pasagjeret të cilat udhëtonin me të në të njëjtin mjet.
Discussion about this post