Gjykata e Sarandës ka dhënë pas 3 vitesh dënimin 2 vjet e 3 muaj burg një 66-vjeçar italian të akuzuar për “shkelje te rregullave te qarkullimit rrugor”. Vendimi për Giuseppe Sciutto është dhënë të mërkurën 10 nëntor, nga Gjyqtari Shkelzen Licaj.
Veç dënimit me burg, për italianin Sciutto është vendosur edhe dënimi tjetër, ai i ndalimit për 1 vit i drejtimit të automjeteve. Megjithatë për Sciutto, i cili sipas te gjitha gjasave ndodhet në Itali për shkak se ndiqej në gjendje të lirë, nuk do të ketë një urdhër ndalimi deri sa vendimi të marrë formë të prerë në Gjykatën e Apelit, gjithnjë nëse apelohet.
Më datë 24.08.2018, rreth orës 10.15, teksa kanë qenë duke udhëtuar përgjatë aksit rrugor Sarandë – Ksamil, pasi ka kaluar fshatin Berdenesh, Sarandë, në segmentin rrugor të gjendur para vendndodhjes së hidrovorit, automjeti i markës “Ford”, me targë “AA 609 UD”, i drejtuar nga shtetasi Fatmir Rumani, banues në qytetin e Sarandës, ka hyrë në manovër parakalimi duke kaluar në korsinë e krahut të majte.
Por edhe pse ka hyrë në këtë manovër parakalimi, automjeti me targë “AA 609 UD” ka goditur motomjetin e markës “Piaggio”, me targë “AL 429”, të drejtuar nga shtetasi italian Giuseppe Sciutto, i datëlindjes 06.07.1955, motomjet i cili gjithashtu udhëtonte në të njëjtin drejtim Sarandë – Ksamil, dhe që njëkohësisht ka hyrë në korsinë e krahut të majtë, duke ndërprerë rrugëtimin e automjetit me targë AA 609 UD.
Si rrjedhojë e kësaj ngjarje ka gjetur vdekjen e menjëhershme shtetasja italiane Maria Sedda, e datëlindjes 08.09.1954, e cila, në cilësinë e pasagjeres, ishte e ulur në sediljen e pasme të motomjetit me targë AL 429. Në vijim trupi i shtetases italiane Maria Sedda u dërguar pranë Institutit të Mjeksisë Ligjore Tiranë, ku ju nënshtruar ekzaminimit mjeko ligjor. Gjithashtu nga ngjarja e ndodhur ka mbetur i dëmtuar shtetasi italian Giuseppe Sciutto.
Discussion about this post