Ka humbur jetën 57- vjeçarja që u aksidentua mbrëmjen e djeshme në Kamëz. Bëhet fjalë për viktimën e identifikuar me iniciale N. Sh., 57 vjeçe e cila ka ndërruar jetë në spital.
Në aksidentin e djeshëm u përfshi edhe një 20 vjeçare me iniciale R. Ç., e cila ka mbetur e plagosur dhe ndodhet nën kujdesin e mjekëve në spital.
E reja dhe 57- vjeçarja janë përplasur nga një makinë që drejtohej nga E. M., 32 vjeç, banues në Kamzë, rreth orës 21:00, në Kamzë.
Paraprakisht dyshohet se shkak është bërë mosrespektimi i sinjalistikave rrugore, manovrat e shpejtësisë dhe parakalimet e gabuara.
Materialet i kaluan Prokurorisë, për veprime të mëtejshme.
Discussion about this post