I mbijetuari i vetëm i familjes shqiptare që u shua në një aksident tragjik në Greqi, ka treguar momentet para se të përplaseshin fatalisht.
Djali i vogël 17- vjeç ka folur për një emision grek, ku thotë se ka ende disa probleme shëndetësore.
“Këmba dhe krahu im kanë nevojë për operacion në tre vende, koka më ka qepje dhe ndonjëherë kam marrje mendsh. Unë kërkoj vetëm që personi që shkaktoi aksidentin të rrëfejë aktin e tij”, ka dëshmuar ai.
I mituri tregon momentin e tmerrshëm që përjetoi kur pa prindërit dhe motrën e tij të vdesin tragjikisht para syve të tij. Ndërsa theksoi se ishin duke udhëtuar për në Shqipëri.
“Ne ishim ndalur në Meteora duke u kthyer nga Shqipëria dhe më pas pak më tej nga Domokos na goditi një kamion, me pasojë prindërit dhe motra ime u vdiqën”, përshkruan ai pa mundur t’i mbajë lotët. “Më ra të fikët. Pas pak erdhi dhe daja që u kthye, po udhëtonim bashkë dhe më nxori nga makina dhe më pas thirrën ambulancën dhe më mori”, shtoi ai.
Teksa ka treguar i tronditur gjithë ngjarjen, ai ka sjellë në kujtesë edhe disa momente kur motra dhe e ëma ishin duke bërtitur dhe se kur pa nga dritarja, një kamion po shkonte drejt tyre, duke lënë të vdekur 3 anëtarët e familjes. Ajo që e bën më të dhimbshme këtë ngjarje, është se 17-vjecari kishte shpresuar që familja e tij mbijetoi, ndërsa në spital mori lajmin e kobshëm të vdekjes së tyre.
“Po shikoja nga dritarja dhe papritmas dëgjova nënën dhe motrën duke bërtitur. Na ka goditur një makinë, nuk më kujtohet se çfarë ishte, në parakolp dhe filluam të rrotulloheshim dhe goditëm kamionin. Kemi shkuar me 65-80 kilometra. Para përplasjes dëgjova një bori dhe supozova se ishte një makinë dhe jo një kamion. Kur më mori ambulanca, nuk e dija se çfarë kishte ndodhur, mendova se të gjithë kishin rënë në koma dhe isha vetëm unë zgjuar sepse isha ulur prapa. Në spital mora vesh që kishin vdekur”, ka thënë 17-vjeçari.
Discussion about this post