Shërbimi për Çështjet e Brendshme dhe Ankesat ka dhënë detaje për operacionin antidrogë të zhvilluar gjatë ditës së djeshme me urdhër të SPAK në Lezhë, ku u arrestuan pesë efektivë të policisë në këtë qark.
Në pranga u vunë 9 persona, mes tyre pesë efektivë.
Mësohet se grupi kriminal merrej me kultivimin e kababisit, kryesisht në zonat malore të Lezhës. Lënda narkotike trafikohej dhe shitej në vendet e bashkimit Evropian.
Gjithashtu në funksion të këtij procedimi, me urdhër të SPAK janë sekuestruar telefonat celularë, të cilët do i nënshtrohen ekspertimeve kompjuterike.
Akuzat e efektivëve të arrestuar
1. Inspektor Zamir Mehaj, 48 vjeç, punonjës policie pranë Komisariatit të Policisë Pukë, i dyshuar për kryerje të veprës penale të ‘Shpërdorimit të detyrës’, me masën e sigurimit personal me efekt shtrëngues ‘detyrim për t’u paraqitur në policinë gjyqësore’.
2. Inspektor Alfred Ndoj, 32 vjeç, punonjës policie pranë Komisariatit të Policisë Pukë, i dyshuar për kryerje të veprës penale të ‘Shpërdorimit të detyrës’, me masën e sigurimit personal me efekt shtrëngues ‘detyrim për t’u paraqitur në policinë gjyqësore’.
3. Inspektor Fatmir Aliaj, 50 vjeç, punonjës policie pranë Komisariatit të Policisë Pukë, i dyshuar për kryerje të veprës penale të ‘Shpërdorimit të detyrës’, me masën e sigurimit personal me efekt shtrëngues ‘detyrim për t’u paraqitur në policinë gjyqësore’.
4. Inspektor Petrit Florini, 49 vjeç, punonjës policie pranë Komisariatit të Policisë Pukë, i dyshuar për kryerje të veprës penale të ‘Shpërdorimit të detyrës’, me masën e sigurimit personal me efekt shtrëngues ‘detyrim për t’u paraqitur në policinë gjyqësore’.
Gjithashtu, në zbatim të këtij vendimi u ekzekutua masa e sigurimit personal me efekt shtrëngues ‘Arrest me burg’ dhe për arsye të mosgjetjes në banesë, u bë shpallja në kërkim kombëtar për:
5. N/Komisar Kastriot Biçukaj, 29 vjeç, me detyrë oficer i policisë gjyqësore pranë Komisariatit të Policisë Pukë, i dyshuar për favorizim të ‘Kultivimit të bimëve narkotike’ kryer në kuadër të grupit të strukturuar kriminal.
