Në një shoqëri demokratike ku shteti jeton veç dhe partitë akoma më veç, nuk ka asnjë mundësi që partia të disponojë numrin e “like” që ju bën ministrave dhe deputetëve dhe si shpërblim fitojnë pikë.
Ky është aplikacioni më i fundit që Partia Socialiste po shtrin në institucione, ku me urdhër nga “lartë”, të gjithë duhet të shkarkojnë këtë aplikacion dhe duke u regjistruar t’u bëjnë “share” ose “like” postimeve të paracaktuara dhe për çdo “pëlqim” marrin 5 pikë.
Një pyetje lind në këto kushte: Kujt i hynë në punë se sa like ka marrë në një fotot në Instagram Belinda Balluku, Erion Veliaj apo Elva Margaritit?
Agjitacion dhe propagandë mund të përgjigjeshim në vitet 1990. Ku në shoqërinë jodemokratike partia nuk është e ndarë prej shtetit, partia është shteti, çfarë disponon shteti, e disponon edhe partia. Rilindja në pushtet, me hartimin e asaj liste survejimi, dhe tashmë të aplikacioneve, dëshmoi se nuk dëshiron vend demokratik dhe shoqëri demokratike, madje as ka si qëllim të punojë që Shqipëria të demokratizohet.
Por si funksionon? Drejtorët e institucioneve në Ministri shpërndajnë në rangë hierarkik aplikacionin.
Pas shkarkimit të tij kërkohet e-mail. Nëse provon të hapësh llogari në aplikacion dhe jep të dhënat, adresën dhe telefonin, të kërkon medoemos emailin dhe më e bukura është të detyron të biesh dakord me kushtet e përdorimit.
Po nëse provon një e-mail tjetër apo jep një adresë të gabuar?
Nuk ke asnjë shans. Sepse, të dhënat verifikohen me regjistrin kombëtar të të dhënave. Pra kanë akses te sistemet zyrtare të të dhënave!
“Akt1visti” merr akses në Facebookun tënd dhe di çdo pëlqim, koment apo shpërndarje qe ti bën në Facebook, Instagram dhe Twitter! Je monitoruar gjithë kohën”! Ky është shqetësimi i ekspertit Gent Progni.
Administrata vihet nën presion nga drejtuesit se brenda të premtes duhet të kenë grumbulluar deri në 200 pikë dhe këtë duhet ta dërgojnë edhe më screenshoot.
Surveimi i qytetarit, është zakon i shteteve diktatoriale.
Surveimi dhe mbajtja nën kontroll është thelbi i diktaturës. Pa kontroll, pa ua ditur të dhënat dhe mendimet qytetarëve, s’ka diktaturë. Dje kontrolli quhej patronazh. Sot ka ndërruar emër, quhet Akt1visti.
Ka mbetur vetëm një hap i vogël, të dalë Kryeministri dhe ta shpallë si normale këtë aplikacion, njësoj siç bëri me ERTV (ku ndërkombëtarët nuk arrinin të kapërdinin këtë format), siç veproi me patronazhistët, e tashmë me aplikacion.
Discussion about this post