Aktivisti Aulon Kalaja, ka deklaruar sot në intervistë e plani i qeverisë është që të përzërë të gjithë shqiptarët nga vendi. Në fjalimin e tij Kalaja tha se shqiptarët nuk do ta pranojnë atë që po gatuhet në kurriz të tyre. Prandaj, ai iu bëri thirrje qytetarëve që të dalin sa më shumë në protestë deri në largimin e qeverisë.
“Deri para pak kohësh të flisje për shpopullimin, të quanin të çmendur. Sot shqiptarët po ikin nga sytë-këmbët. Po braktisin trojet. Këtu nuk kemi të bëjmë me një rastësi, por me një axhendë të paramenduar. Prandaj duhet të meremi me politikë, jo vetëm se po qeverisemi nga inferiorët, por se këta kanë një plan që të na përzënë të gjithëve. Ty të grabisin tokën që s’e punon. Ty të shembin shtëpinë. Ty s’të fusin në punë. Ty të vrau policia. Ne na kanë vrarë shpresën. Të gjithëve po na nxijnë jetën!
Ne nuk do t’a pranojmë eksperimentin që po gatuhet në atdheun tonë. Nderi i të parëve na thërret. Gjaku i të parëve na thërret. Çfarë patriotësh jemi ne, që nuk e bëjmë Shqipërinë një vend më të mirë!
DO të tregojmë vendin ty, që fërkoni duart kur ne shtrëngojmë dhëmbët. Do merremi me politikë siç u morën etërit tanë. Politikë nuk do të thotë idiot. Jo. Politikë do të thotë qytet, qytetar! Dhe në politikë hyjnë dy tipa. Burri dhe fëmija. Fëmija futet për të marrë. Burri futet për të dhënë. Edi Rama ti je një foshnje”, tha Kalaja.
Në protestë kanë marrë pjesë aktivistë të kauzave të ndryshme si; studentë, Aleanca për Teatrin, pedagogë e të tjerë.
“Brend në korrupsion”, mesazhet ironizuese kundër Ramës nga protesta
Discussion about this post