Pas deputetit Dash Sula, edhe kreu i Grupit Parlamentar të PD-së, Gazment Bardhi, mbajti një qëndrim krejt të kundërt me atë të ish-Kryeministrit Sali Berisha ndaj kreut të SPAK-ut, Altin Dumani. Berisha e cilësoi Dumanin si njeriun e dytë më të korruptuar pas Edi Ramës në Shqipëri, madje tha se Rama e ka korruptuar Dumanin në çdo qelizë.
Por Bardhi, ashtu si Sula, tha se Dumani është një prokuror me integritet dhe nuk ka informacione se është i korruptuar.
Debati në Top Story
Vangjeli: Emrin e Dumanit nuk do ta harroni.
Bardhi: Do më lesh ta mbaroj, nuk kam pse e harroj emrin e Dumanit, e kam mbështetur publikisht, është një prokuror me integritet.
Vangjeli: Është i korruptuar siç thotë Berisha?
Bardhi: Jo, unë po them është me integritet. Nuk mendoj njëlloj me aq informacion që kam.
Discussion about this post