Deputeti demokrat Ervin Salianji u shpreh mbrëmjen e së enjtes se beson që SPAK do të jetë i detyruar të thërrasë Edi Ramën për çështjen McGonigal.
“Dhe në gjyq McGonigal ka thënë pas pyetjes që ka i bërë gjyqtarja, që po, unë kam ndikuar në çështjen ndaj PD-së. Pra në këtë sens, është e qartë fare se paratë të cilat vijnë nga burime korruptive”, tha Salianji në studion e Syri TV.
Sipas tij, SPAK ka regjistruar procedimin në janar të viti 2022, bazuar në kallëzimin që ka bërë PD nëpërmjet Gazment Bardhit për këtë çështje.
“Ndërkohë, ka një përgjigje të cilën e ka thënë në publik për aq sa nuk përbën sekret hetimor, që i është kthyer zotit Bardhi, ku vihet në dijeni që çështja është në hetim dhe elementë të tjerë.
Kështu që padiskutim përderisa ka një përgjigje të tillë do të thotë që është vënë në lëvizje edhe nga kallëzimi i PD.
Ajo që është politikisht për tu thënë dhe për tu rithënë, është që Edi Rama ka përdorur para korrupsioni, dhe këtë nuk ka nevojë që ne ta faktojmë në Gjykatë apo Prokurori, por ata ta mbajnë përgjegjësi për veprimin.
Por ndërkohë politikisht veprimi i Ramës i ka sjellë pasoja.
Së pari, ne shikojmë para që vijnë në mënyrë të paligjshme që nuk dihet nga vijne dhe përdoren për të goditur dretjpërdrejt opozitën.
Dhe në gjyq McGonigal ka thënë pas pyetjes që ka i bërë gjyqtarja, që po, unë kam ndikuar në çështjen ndaj PD-së.
Pra në këtë sens, është e qartë fare se paratë të cilat vijnë nga burime korruptive, se nuk janë para të ligjshme.
Por janë para që përdoren për të goditur kundërshtarin politik dhe për të goditur Partinë Demokratike të Shqipërisë.
Këtu jemi në situatën kur është zbuluar kjo çështje, por ne nuk e dimë sa kanë avancuar çështje të tjera”, tha Salianji.
Discussion about this post