Kryeministri Edi Rama i është përgjigjur akuzave të Partisë Demokratike, ish-kryeministrit Sali Berisha dhe analistëve të ndryshëm se qeveria nuk ka bërë asnjë për t’i ardhur në ndihmë konkrete Ukrainës në luftën me Rusinë.
Rama shkruan në Twitter, se Shqipëria ka qenë ndër të parët që është ofruar për ndihmë dhe se kjo qasje e tyre e ka bërë të shihet më mirë në sytë e SHBA, NATO dhe OKB.
“Disa politikanë e analistë mbrojnë Ukrainën për të sulmuar qeverinë, që sipas tyre nuk ka dhënë asnjë ndihmë konkrete! Jo vetëm e kemi dhënë, po e kemi dhënë ndër të parët. Por nuk e kemi dhënë për t’u dukur këtu në Tiranë dhe aq më pak për të luftuar me gratanongratat e Tiranës! Jam shumë krenar që pavarësisht se vend i vogël mes të mëdhenjve të botës kemi ditur të dëgjohemi me respekt në mbështetje të Ukrainës në OKB, kemi ditur të shikohemi me respekt në NATO, kemi ditur të trajtohemi me respekt nga SHBA dhe i jemi gjendur me shumë respekt Ukrainës”, shkruan Rama.
Discussion about this post