Ekspertët në Greqi paralajmërojnë situatë dramatike të COVID-19

Ekspertët paralajmërojnë situatë dramatike të COVID-19 në Greqi. Rastet mund të arrijnë deri në 10,000 në ditë.

Pavarësisht aplikimit të vaksinës kundër Covid, vendi po përballet me valën e pestë epidemike,.

Mjekët shprehen se një rritje e tillë e rasteve është nxitur edhe nga qytetarët që këmbëngulin të mos marrin vaksinën.

Aktualisht rreth 2,9 milionë njerëz mbi 12-vjeç nuk janë vaksinuar, 600,000 prej të cilëve i përkasin grupmoshës mbi 60 vjeç është mbetet edhe më e rrezikuara, shkruajnë mediat greke.

Zëvendësministrja e Shëndetësisë Mina Gaga është shprehur se të vaksinuarit po paguajnë një çmim shumë të rëndë tani. Provat shkencore tregojnë se vaksina ndihmon në luftën kundër koronavirusit. Ndërkohë kemi shumë persona të pavaksinuar që kanë humbur jetën gjatë ditëve të para të nëntorit.

Më tej Gaga duke iu drejtuar qytetarëve bëri apel për vaksinim masiv, për të shmangur një situatë dramatike të Covid.