Aktori i humorit Albano Bogdo është arrestuar dy ditë më parë, pasi u kap nga policia duke drejtuar makinën pa patentë.
Gjykata e Tiranës e ka liruar ditën e sotme aktorin. Pasi ka dalë ai ka zgjedhur që të mos japë shpjegime të mëtejshme për arrestimin.
Në dëshminë e tij, ai ka thënë se shpjegimet do ti japë në një fazë tjetër hetimesh.
“Jam njohur me letrën e të drejtave të mia dhe shpjegime do të jap në një fazë tjetër të hetimit. Gjë tjetër nuk kam për të thënë.”
Bogdo po ngiste një makinë “BMW” pa patentë. Ai u ndalua në Bulevardin Bajram Curri mbrëmjen e 22 shkurtit. Pas verifikimeve në komisariat Albano Bogdo është lënë i lirë pasi masa për të është dhënë “detyrim për tu paraqitur”.
Discussion about this post