Ditën e sotme është mbledhur Aleanca për Mbrojtjen e Butrintit e cila ka zhvilluar një diskutim me ekspertë për Parkun e Butrintit, i cili do jepet me koncesion.
Të ftuar në panel për mbrojtjen e Butrintit kanë qenë arkeologu Neritan Ceka, avokatja Adriana Kalaja, pedagogu Edmond Tupja, ambientalisti Sazan Guri si dhe aktivistë të ndryshëm. Duke folur për të gjitha problematikat mjedisore që i shkaktohen Butrintit, aktivistët dhe ekspertët kërkuan transparencë të plotë mbi atë që po ndodh.
“E di kush është fondacion i vërtetë sot që do marrë Butrintin nesër? Janë vetëm pesë veta”, tha Neritan Ceka.
Avokatja Adriana Kalaja theksoi se çështja e Butrintit duhet të shkojë në SPAK.
“Unë mendoj se çështja e Butrintit duhet të shkojë në SPAK”, tha Kalaja.
Aktivistët deklaruan se nuk ka rast të ngjashëm të këtij lloj partneriteti mes privatit dhe publikut. Ata shtuan se duhet që të bëhet për këtë problem edhe udhëtim në Sarandë e në Butrint. Ekspertët thanë se për atë që po ndodh me Butrintin nuk janë bërë konsultime, ndërsa shprehen se duan të mbrojnë kulturën e vendit.
Discussion about this post