Deputeti demokrat Enkelejd Alibeaj ka komentuar ecurinë e procesit për zgjedhjen e Presidentit të ri në kampin blu duke thënë se ai ia ka përcjellë mazhorancës qëndrimin zyrtar të Grupit Parlamentar të PD, ndonëse disa prej tyre ishin kundër.
Alibeaj përsëriti qëndrimin e tij se mazhoranca nuk e ka legjitimitetin për të zgjedhur e vetme Kreun e Shtetit pasi i dihet 84 vota, dhe sipas tij ajo nuk mund ta bëjë atë me votat e non gratave. Alibeaj u shpreh se Presidenti duhet të jetë një figurë mbi palët.
“Një figurë që të jetë shqiptarëve dalë mbi palët politike, ti qëndrojë të gjitha sfidave. Për të arritur në këtë pikësynim ne jemi ofruar për një proces, procesi është i pari, një proces i sinqertë, proces i bazuar në kritere është garancia e parë në një produkt siç shqiptarët duan. Presidenti simbolizon unitetin. Ja kam përcjellë qëndrimin zyrtar të PD grupit parlamentar, mazhorancës dhe grupeve të tjera dhe e shohim të udhës që ky proces duhet të jetë i tillë që mos perceptohet si lojë. Në tre raundet e parë presidenti zgjidhet me 87 vota, pra me pjesëmarrjen e opozitës. Nuk e ka mazhoranca legjitimitetin për të zgjedhur presidentin për të bërë lojëra, sepse janë tre deputet që janë gjeneruar si nion grata. Për këto arsye nuk ka legjitimitet mazhoranca për të bërë farse. Ne kemi propozuar kritere, sepse kemi një detyrim, duhet të jetë një president që të dalë në sy të shqiptareve. Një nga kriteret është se presidenti duhet të jetë antikomunist”, u shpreh Alibeaj për gazetarët.
Discussion about this post