Deputeti i Partisë Demokratike, Tomor Alizoti, pas mbledhjes së grupit parlamentar në selinë blu, është shprehur se Basha është larguar, por mendësia e tij është ende pjesë e grupit të PD. Ai gjithashtu është shprehur se që pas 6 marsit duhet të rizgjidhet kryetari i grupit parlamentar. Alizoti gjithashtu është shprehur se lufta brenda llojit është shumë e egër.
“Basha është larguar, mendësia e tij ende pjesë e grupit të PD. Unë kam qëndrimet e mia si kryetar grupit. E kam thënë që pas 6 marsit duhet të rizgjidhet kryetari i grupit. Ky është akt politik dhe unifikimi. Një luftë brenda llojit është shumë e egër. Berisha është pjesë e PD, i dhanë aq vota sa i dhanë. Bota ka teori bashkimi. Minoranca nuk mund të jetë më kapriço se maxhoranca. Do e mendoj pjesëmarrjen më 30 prill” – tha Alizoti.
Kujtojmë se deputeti Tomor Alizoti ka qenë i vetmi deputet neutral në përplasjen brenda Partisë Demokratike dhe që pas zgjedhjeve të 6 Marsit, qëndrimi i tij është më shumë në anën e grupit të Folores.
Discussion about this post