Juventus sfidon skuadrën e Romës të dielën në mbrëmje. Një duel shumë i rëndësishëm për bardhezinjtë të cilët duhet të bindin ndaj një rivali shumë të fortë siç janë verdhekuqtë. “Zonja e Vjetër” vjen në këtë përballje pas disa rezultatesh positive dhe do të kërkohet vazhdimësia. Natyrisht që trajneri Masimiliano Alegri nuk e ka të plotë kontigjentin e lojtarëvë për këtë ndeshje. Bentakur dhe Melo në mesfushë nuk janë ende në formën e tyre maksimale.
Në repartin e sulmit Morata dhe Dibala janë stërvitur me pjesën tjetër të skuadrës por mund të aktivizohen nga stoli ndaj Romës nëse do të jetë nevoja. Trajneri livornez Masimiliano Alegri ka gati planin për të surprizuar Murinjon. Ai pritet të rreshtojë në fazën sulmuese dyshen Kieza- Kaio Zhorzh. 19-të vjeçari konsiderohet si Nejmari i ri dhe pritshmëritë për të janë shumë të larta.
