Juventusi sfidon skuadrën e Chelseat në Londër këtë mesjavë në Ligën e Kampionëve ku do të luhen fatet e vendit të parë në grup. Trajneri i bardhezinjve, Masimiliano Allegri ka analizuar këtë vigjilje teksa është ndalur edhe tek problemi i shënimit të golave.
“Do të luajmë për vendin e parë kundër kampionëve në fuqi. Me Lukakun ata kanë ndryshuar stilin e lojës. Ndërsa pa të ata nuk kanë një pikë referimi. Është një test i rëndësishëm për ne.
Në mesfushë kemi të gjithë lojtarët, por në mbrojtje kemi mungesa. Janë dy apo tre, nuk e mbaj mend(qesh). Kielini do jetë në dispozicion ndërsa Bernardeskit i duhet pak kohë.
Nuk e di nëse mund të ketë minuta në këmbë sepse nuk ka luajtur prej disa kohësh. Por ai është i grumbulluar po ashtu si Kulusevski.
Vendos në bazë të karakteristikave. Duhet të përmirësojmë fazën sulmuese, sepse ne krijojmë raste, por nuk konkretizojmë. Kemi shënuar 18 gola dhe pësuar 15. Duhet të gjejmë një balancë si ekip.
Duhet të përmirësohemi kundër skuadrave të vogla, pa marrë parasysh rezultatin. Mundësitë për të përmbyllur aksionet janë, por duhet të jemi më cinik.
Ronaldo ka qenë gjithmonë sulmuesi kryesor dhe shënonte shumë gola. Ne kemi shumë lojtarë që mund të shënojnë, por për momentin nuk po i gjejmë dhe kemi bërë më pak sesa potenciali që kemi. Natyrisht që do t’i gjejmë golashënuesit.
Janë karakteristika të ndryshme. Lukaku është një pikë referimi, dhe skuadra bazohet tek ai.Pa ta skuadra luan më shpejt”, theksoi Allegri.
Discussion about this post