Ambasada e SHBA-së në Tiranë, i ka bërë thirrje Rusisë që të lirojë nga burgu liderin e opozitës ruse, Alexey Nalanvy.
Përmes një videoje të postuar në Facebook, ambasada e SHBA kujtoi një vjetorin e arrestimit të Navaln-it, dhe shprehet se “populli rus ka të drejtë të shprehë pikëpamjet e tij në mënyrë paqësore pa pasur frikë nga çdo lloj ndëshkimi”.
Kujtojmë se, Navalny pas shërimit në Gjermani u kthye sërish në Rusi, ku u arrestua menjëherë dhe ka kaluar më shumë se 200 ditë pas hekurave.
Postimi i plotë:
Një vit më parë, udhëheqësi i opozitës ruse Alexey Navalny u helmua në vendlindjen e tij me një agjent nervor kimik. Pas shërimit të tij në Gjermani, ai u tregua i guximshëm dhe u kthye në Rusi. Atje u arrestua menjëherë dhe tashmë ka kaluar më shumë se 200 ditë pas hekurave. Ne i bëjmë thirrje qeverisë ruse të lirojë menjëherë Alexey Navalny, si dhe të gjithë ata që mbahen padrejtësisht. Populli rus ka të drejtë të shprehë pikëpamjet e tij në mënyrë paqësore pa pasur frikë nga çdo lloj ndëshkimi”, thuhet në mesazhin e ambasadës amerikane.
