Nënshkrimi i Jude Bellingham ka bërë që të flitet shumë në këto orët e fundit. Ka mendime të ndryshme, por ky i ka habitur të gjithë, pasi ky ekspert i futbollit gjerman e ka të qartë se futbollisti britanik arrin një nivel të lartë.
Madridistët janë shumë të emocionuar për ardhjen e Jude Bellingham dhe mezi presin debutimin e tij me fanellën e bardhë. Megjithatë, shumë tifozë nuk e kanë parë mesfushorin anglez dhe nuk e dinë realisht se si do të performojë.
Ramón Álvarez de Mon ka folur në kanalin e tij në YouTube me Miguel Gutiérrez, ekspert i futbollit gjerman dhe anëtar i Borussia Dortmund. Në bisedë ata donin të diskutonin për blerjen e britanikut dhe ka pasur vetëm fjalë të mira për ish-lojtarin e Birminghamit.
Miguel Gutiérrez ka pohuar se Jude Bellingham është një yll botëror dhe se performanca e tij në Dortmund ka qenë e shkëlqyer. Në fakt, ai shkoi më tej dhe bëri një deklaratë që do të japë shumë për të diskutuar: “Bellingham tashmë është më i mirë se Modric”.
Ai është i sigurt se Jude do të jetë i rëndësishëm në Madrid dhe ai e di se do të jetë një lojtar vendimtar për Ancelottin. Këto fjalë janë edhe më emocionuese duke pasur parasysh pritshmëritë e krijuara me Bellinghamin dhe madridistët që duan ta shohin atë në fushën e blertë.
Në klub po fërkojnë duart para një prej diamanteve të futbollit aktual. Mbretërorët kanë besim të plotë te Jude Bellingham dhe besojnë se ai do të jetë lideri i ardhshëm i mesfushës merengue për dekadën e ardhshme.
Discussion about this post