Real Madrid fitoi 3-1 kundër Chelsea në “Stamford Bridge” dhe kryesuesit e LaLiga janë një hap larg gjysmëfinaleve të Champions League.
Carlo Ancelotti, i cili u bashkua me skuadrën vetëm ditën e ndeshjes për shkak të covid-19, pas ndeshjes foli për “Amazon Prime Video” dhe fillimisht deklaroi:
“Fituam sepse luajtëm mirë me kurajo dhe personalitet. Arritëm të ndërtonim mirë lojën që nga mbrojtja dhe shfrytëzuam hapësirat. Mendoj që Chelsea nuk arriti që të tregonte versionin e vet më të mirë, për shkakun tonë. Gjithsesi futbolli ndryshon shumë shpejt”.
“Çfarë i thashë Benzemasë? Që nuk do të luante, pasi nuk kishte lejekalimin dhe se do të nxirrja në nxehje masazhatorin. Karim është një lojtar i madh. Benzema shënon, por edhe ndihmon shumë skuadrën. Është shumë e vështirë ta markosh, sepse lëviz shumë”.
Discussion about this post