Ancelotti pas kualifikimit: Do të luftojmë për të shkuar në finale

Trajneri italian i Realit të Madridit, Carlo Ancelotti, u shfaq tepër i lumtur pas kualifikimit që skuadra e tij arriti në Londër ndaj Chelsea.

Kampionët në fuqi të Champions-it, ia dolën të triumfonin me rezultatin 2-0 në të dyja sfidat.

Ancelotti ka thënë se ndihet shumë të lumtur me arritjen e ekipit të tij, por që tani sytë duhen drejtuar, pse jo, edhe drejt  finales së madhe.

“Ne jemi shumë të lumtur që jemi në një tjetër gjysmëfinale. Do të luftojmë për të arritur në finale.

Ekipi vuajti, Courtois  na shpëtoi në pjesën e parë, Chelsea luajti mirë dhe ne u përpoqëm të ishim të balancuar. Në të dytën arritëm daljet më të mira nga prapa dhe kundërsulmet, duke rezultuar shumë të rrezikshëm

Benzema mori një goditje në pjesën e parë dhe unë e hoqa, sepse ai nuk ishte më i nevojshëm për të sulmuar, pasi duhej të mbronim mirë.

Në futboll gjithçka është e mundur, por do të jetë shumë e vështirë që Bajern të përmbysë Sity. Chelsea u përpoq dhe iu afrua rihapjes së kualifikimit, por nuk ia doli dot.

Jemi të lumtur që jemi në gjysmëfinale. Kemi 180 minuta për të luajtur dhe për të synuar një tjetër finale. E di që Milani barazoi 1-1 në Napoli.

Eh ishte viti 2007, hera e fundit që kuqezinjtë shkonin në gjysmëfinale. Kjo e sotmja ishte një arritje e madhe për Milanin, urime për të gjithë klubin dhe për Paolo Maldinin. Kam dashuri edhe për Napolin, një sezon i jashtëzakonshëm, ata iu afruan gjysmëfinales. Janë italianët më të mirë këtë vit. Respekte, ata do ta provojnë vitin e ardhshëm.

Mesazh për Maldinin? Ia kam dërguar në telefon…”, tha Ancelotti.