Trajneri i Real Madrid, Carlo Ancelotti i ka dhënë përgjigje zërave të fundit që e lidhin atë me pankinën e Brazilit.
“Trajner I Brazilit? Të ardhmen nuk e di, jetoj ditën. Ndihem shumë mirë te Reali dhe kemi shumë objektiva për të arritur. Ka kohë për të menduar për të ardhmen. Kam një kontratë deri në vitin 2024 dhe nëse Reali nuk më përzë nuk lëviz që këtu”, tha ai për mediat.
Ancelotti dha mendimin e tij edhe për Messi-Ronaldo.
“Dualizmi Messi-Ronaldo ka motivuar të dy lojtarët të luajnë shumë mirë dhe ka mbajtur të lartë konkurencën. Messi mbyll karrierën me një Botëror të fituar, Ronaldo nuk triumfoi dot, por ka një karrierë të jashtëzakonshme sidomos me fanellën e Realit. Besoj se mund të luajë akoma në nivele të larta dhe nuk besoj se bota arabe është e përshtatshme për të, por nuk e di se çfarë do të bëjë në të ardhmen”, tha ai.
Discussion about this post