Real Madrid tashmë ka nisur të mbyllë shtesat e reja te skuadra e Carlo Ancelottit. Trajneri i “Los Blancos” është i vetëdijshëm për lëvizjet e vendosura në Chamartín dhe mbi të gjitha është emocionuar kur ka marrë vesh për ardhjen e këtij lojtari.
Fran García është bërë nënshkrimi i parë i Real Madridit në këtë merkato. 14-herë Kampionët e Europës kanë paguar pesë milionë euro për futbollistin spanjoll dhe kanë vërtetuar rikthimin e tij në klubin ku është formuar si lojtar.
Në klubin merengue ata e morën këtë vendim disa muaj më parë dhe nuk kishin asnjë dyshim se vendi i Fran ishte në Chamartín. Ancelotti ishte një nga njerëzit e parë që e mori vesh dhe u gëzua shumë, pasi ishte një lojtar që i nevojitej italianit.
Real Madridi nuk e ka humbur nga sytë skuadrën e të rinjve gjatë gjithë këtyre viteve dhe ata kanë parë se si përparimi i tij ka qenë eksponencial. Shpresa është maksimale si në klub ashtu dhe në stafin teknik dhe Ancelotti konsideron se do të jetë një lojtar shumë i rëndësishëm në sezonin e ardhshëm.
Trajneri madrilen i kishte shprehur klubit nevojën për të nënshkruar me një mbrojtës të majtë dhe ai është më se i kënaqur me zgjedhjen e bërë. Ancelotti e ka ndjekur nga afër lojtarin, sezonin e kaluar dhe e di se ai mund të kontribuojë shumë për ekipin.
Pasi dëgjoi lajmin, Ancelotti po rishikonte me anëtarët e stafit të tij ndeshjet e Fran Garcias dhe donte të vinte në pah këtë veprim: “Goli kundër Barçës është i çmendur”, sipas asaj që ka mësuar DefensaCentral. Trajneri merengue u kënaq shumë, pasi ai nuk e njihte këtë aspekt të lojtarit.
Në klubin e bardhë ata e kanë siguruar Carletton se Fran García do të jetë një “bombë” dhe se ai do të mahnitet kur të jetë nën urdhrat e tij.
Discussion about this post