Ambasadori i Shqipërisë në Londër, Qirjako Qirko, deklaroi të dielën se mbi 1500 shqiptarë mund të punojnë falas për të ndihmuar Britaninë me krizën e karburanteve.
Por, kjo deklaratë nuk është pritur mirë jo vetëm nga shqiptarët atje, pro edhe vetë anglezët kanë shpërthyer në komente ironizuese dhe tallëse ndaj ambasadorit.
Madje një prej tyre shprehet se me këto deklarata ai po i turpëron ata. “A mund të ndaloni duke na turpëruar?”, e pyeti një qytetar ambasadorin shqiptar në Twitter.
Ndërsa një tjetër komentues shprehet se, më këto deklaratë ambasadori po i konsideron emigrantët shqiptarë skllevër të Britanisë.
“Ambasadori shqiptar mbështet shfrytëzimin e bashkatdhetarëve të tij duke propozuar që emigrantët shqiptarë ta ndihmojnë Britaninë pa pagesë nga kriza e karburantit. Nuk është asgjë më shumë se mbështetje për skllavërinë”, i përgjigjet një tjetër qytetarë ambasadorit në Twitter.
Ambasadori është përgjigjur se shqiptarët nuk janë një problem në Britani, por njerëz të mirë që duan të ndihmojnë, por gjithsesi ky shpjegim nuk është pranuar nga qytetarët anglez, të cilët kanë shpërthyer në komentet akoma më të shumta ndaj tij.
E.H/ gijotina.com/
