Ambasadori i Bashkimit Europian në Shqipëri, Silvio Gonzato tha në takimin me drejtuesit e institucioneve të pavarura dhe kryetaren e Kuvendit Elisa Spiropali, se në një shtet demokratik është shumë e rëndësishme që të zbatohen vendimet e Gjykatës Kushtetuese.
Për reformën në drejtësi, ai tha se, parlamenti duhet të luajë një rol kyç për mos kthimin pas të këtyre reformave. “Këto reforma duhet të shoqërohen me luftën kundër krimit dhe korrupsionit në Shqipëri”, u shpreh ai.
Gonzato u shpreh se BE do vazhdojë të mbështesë institucionet e Shqipërisë në rrugën drejt integrimit.
“Mesazhi i parë është të theksoj rëndësinë e parlamentit gjithashtu institucioneve të përvarur në kontekstin e hyrjes në BE. Shqipëria ka hyrë në një fazë kritike të hyrjes në BE dhe punohet shumë për të hapur negociatat që ka të bëjë me funksionimin institucioneve demokratike, institucioneve gjyqësore, por edhe të tjera.
Ky parlament ka një rol kyç, për të luajtur duke filluar me komitetin e BE që do të rishikojë pozicionin e negociatave, të cilat do ti paraqiten Këshillit Evropian
Negociatat do të konsistojnë në reforma thelbësore që do ta sjellin Shqipërinë në standard në të gjithë këto fusha.
Shqipëria ka miratuar një udhërrëfyes për administratën publike ambicioz dhe është në funksionim të institucioneve demokratike.
Mesazhi im i dytë ka të bëjë me negociatat e suksesshme në hyrje në BE që kërkojnë një dialog ndërparlamentar në parlament por edhe në bashkëpunime ndërinstitucionale.
Shpresoj që në parlament integrimi në BE të konsiderohet nga të gjitha forcat politike si një prioritet kombëtar strategjik.
Parlamenti është qendra për të pasur dialogun konstruktiv duke përfshirë edhe çështjen e integrimit në BE por edhe të miratojë legjislacione dhe ndryshimet ligjore.
Marrëdhëniet ndërinstitucionale duhet të jenë në respekt të plotë të Kushtetutës që kanë të bëjnë me kontrollin dhe balancën. Siç u përmend edhe në raportin e fundit të zbatimit të shtetit të së drejtës, është shumë i rëndësishëm bashkëpunimi midis Parlamentit dhe institucioneve të pavarura. Në këtë kontekst Parlamenti duhet të raportojë siç duhet në rastet kur është e nevojshme për krerët e institucioneve të pavarura por edhe komisionet e ndryshme, si Komisioneri kundër Diskriminimit, apo Gjykata Kushtetuese. Vendimet e Gjykatës Kushtetuese duhet të respektohen siç nxirren nga ato dhe kjo është thelbësore në një shtet demokratik
Për reformën në drejtësi parlamenti duhet të luajë një rol kyç për moskthimin pas të këtyre reformave. Këto reforma duhet të shoqërohen me luftën kundër krimit dhe korrupsionit në Shqipëri.
Mesazhi im i tretë është që BE do vazhdojë të mbështesë institucionet e Shqipërisë në rrugën drejt BE”, tha ambasadori.
Duket se tërheqja e vëmendjes nga Gonzato shkon për socialistët, të cilët kanë vendosur t’i kërkojnë opinion Komisionit të Venecias për mandatin e ish-ministres së Jashtme, Olta Xhaçka duke injoruar vendimet e Gjykatës Kushtetuese.
Discussion about this post