Apeli rikthen në burg Alqi Bllakon

Gjykata e Posaçme e Apelit Kundër Korrupsionit dhe Krimit të Organizuar ka rikthyer në qeli ish-deputetin e Partisë Socialiste, Alqi Bllakon.

Alqi Bllako u rikthye në qeli me kërkesë të SPAK pasi qendroi në arrest shtëpie për 34 ditë. Bllako akuzohet nga SPAK për shpërdorim detyre dhe falsifikim dokumentesh.

Ish deputeti shkoi sot në Apel për tu njohur me vlerësimin e masës së sigurisë, pasi SPAK apeloi masën e caktuar më herët nga GJKKO.

Alqi Bllako u arrestua më 31 mars 2022, me urdhër të SPAK, pasi akuzohet se në kohën kur postin e sekretarit të Përgjithshëm të Ministrisë së Mjedisit, në bashkëpunim me ish-ministrin Lefter Koka dhe ish-kryetarin e Komisionit të Shpronësimit Pëllumb Abeshi, ata kanë falsifikuar dokumentin në lidhje me sipërfaqen e tokës ku u ndërtua inceneratori i Fierit duke i shkaktuar dëm buxhetit të shtetit prej 16 milionë lekësh.

Lexo edhe: SPAK kërkon rikthimin në burg, Alqi Bllako mbërrin në GJKKO

Bllako u lirua nga burgu rreth një muaj me argumentin se kishte fëmijët e mitur dhe bashkëshortja ishte në punë dhe duhet të kujdesej për ta.