Aqif Rakipi u shpall “non grata” nga SHBA, Basha: Ai ka blerë vota për hesap të Edi Ramës!

Edhe ish-kryetari i Partisë Demokratike, Lulzim Basha, ka reaguar në lidhje me vendimin e DASH për shpalljen “non grata” të ish-deputetit, Aqif Rakipi dhe pronarin e medias Ylli Ndroqin. Basha është shprehur se Rakipi është një nga mekanizmat e masakrës zgjedhore dhe sipas tij, Rakipi ka blerë  vota për hesap të Edi Ramës, janë njerëz që kanë tjetërsuar vullnetin e shqiptarëve, të gjitha mekanizma të përdorura në zgjedhjet e 25 prillit.

“Aqif Rakipi, një nga mekanizmat e masakrës zgjedhore. Ai ka blerë vota për hesap të Edi Ramës, janë njerëz që kanë tjetërsuar vullnetin e shqiptarëve, të gjitha mekanizma të përdorura në zgjedhjet e 25 prillit. Diferenca e votave mes atyre që mblodhi PD-ja dhe mazhoranca ka qenë ajo që bleu Rakipi. Edi Rama ka sot të gjithë arsye të ndjehet i vetëm, ka humbur një tjetër partner. Dua t’i them çdo shqiptari që nuk jemi vetëm, këtë parlament do t’ia kthejmë njerëzve, qytetarëve” – u shpreh Lulzim Basha.