Komuniteti i biznesit i kërkon qeverisë të mos aplikojë paketën e re fiskale, të planifikuar për vitin e ardhshëm. Përmes një interviste televizive, Arben Shkodra nga Shoqata e Prodhuesve tha se për këto ndryshime, nuk ka pasur asnjë konsultim paraprak. Sipas tij, kjo paketë është kryer me qëllim që qeveria të vjelë të ardhura vetëm nga bizneset prodhuese.
“Me ne nuk ka pasur asnjë takim konsultues. Është detyrim ligjor, por nuk e kemi kulturë që qeveria të konsultohet me ne për taksat dhe tatimet e reja. Do të thoja që kjo paketë ligjesh erdhi si vetëtimë dhe ajo është një aritmetikë e thjeshtë për të mbledhur disa para më shumë në buxhet, vetëm ndaj bizneseve prodhuese”, u shpreh ai.
Sipas tij, një sërë ndryshimesh ligjore rëndojnë më shumë në sektorin prodhues në vend, ndërsa importuesit nuk cenohen. Sakaq, Shkodra i bëri thirrje publike qeverisë që të konsultohet edhe me ta para se të vendos të miratojë një paketë ligjore aq me rëndësi./E.H Gijotina.com/
Discussion about this post