Këngëtari shqiptar, Ardit Çuni, gjatë një bisede me banorët e shtëpisë së “Big Brother VIP” për eksperiencat më të bukura që kanë kaluar në jetë, ka treguar se një ndër gabimet e tij më të mëdha, ka qenë mos marrja pjesë në një nga festivalet kushtuar komunitetit LGBT+.
Ai tregoi se pas suksesit të një kënge me fituesin e “Eurovision Suedia”, atij iu bë ftesa të ishte këngëtari kryesor në një festival shumë të rëndësishëm kushtuar komunitetit LBGT+, por e refuzoi pasi kishte frikën e mentalitetit dhe se çfarë mund të thuhej për të nëpër gazeta.
Arditi gjithashtu shprehet se, nëse do t’i jepej një mundësi tjetër për të performuar në këtë koncert, ai do ta bënte me shumë dëshirë, pasi sipas tij, kjo dalje publike në Suedi mund t’i sillte gjithashtu edhe diçka shumë të mirë andej.
“Mu bë ftesa për të qenë këngëtari kryesor për të këndu në festivalin më të madh në Stokholm dhe e kam refuzu, sepse kam qenë shumë i vogël dhe nuk mendoja drejt. Mendoja mentalitetin këtu, mendoja ça do ndodhte kur të dilte në gazeta… tani do e bëja me shumë dëshirë, por në atë kohë… Sepse ishte për LGBT. Është një nga gabimet më të mëdha në karrierë që po të kisha qenë aty, kush e di ku do isha sot. Një këngëtar shqiptar nuk e ka bërë kurrë. Ideja është që për mua në atë kohë ka qenë një vendim shumë i vështirë, që pavarësisht stafit në Suedi, producentit të televizionit më thoshte duhet patjetër të shkosh, unë kisha frikë vetëm për mentalitetin këtu se si do pritej. Sepse isha në fillimet e karrierës sime. Nëse do ishte për mu shumë keq, do dëmtohesha. Por ndoshta mund të më sillte një gjë shumë të mirë andej.”- rrëfeu Arditi.
Pasi përfundoi këtë rrëfim, Ardit Çuni, gjithashtu ka folur edhe për projektin e “Eurovisionit” me Anxhela Peristerin, ku ka qenë menaxher i projektit dhe i këngëtares.
Ardit gjithashtu ka pasur edhe një debat me ish-konkurrenten, Paloma, pasi kjo e fundit e ka pyetur nëse ai është gej. Ai u përgjigj duke hedhur poshtë të gjitha thashethemet për orientimin e tij seksual, kur tha se pëlqen vetëm vajzat. / O.B / Gijotina.com
Discussion about this post