Argjentina dhe Arabia Saudite do të startojnë ditën e nesërme në orën 11:00. Zërat e shumtë shikojnë Argjentinën si pretendente për të fituar Kupën e Botës.
Trajneri Scaloni nuk është i këtij mendimi teksa shprehet që në këtë kompeticioni janë 10 ekipe që mund të fitojnë.
Lionel Scaloni , trajneri i Argjentinës foli në konferencën për shtyp në prag të ndeshjes kundër Arabisë Saudite:
Scaloni: “Janë rreth dhjetë skuadra të forta që mund të fitojnë Kupën e Botës. Detajet do të vendosin se kush do ta fitojë Kupën e Botës, jo kush luan më mirë. Njerëzit duhet të dinë se ne jemi një grup që do të japim gjithçka në mënyrë që gjërat të shkojnë mirë për ne. Jemi të qetë, luajmë gjithmonë nën presionin e jashtëm për të humbur. Të jesh i lirë në anën psikologjike është thelbësore për të luajtur mirë në një Kupë Bote. Ngarkesa e ekipit sot është më ndryshe, jemi shumë më të qetë se më parë”.
Dëmtimet e Nico Gonzalez dhe Correa?
Scaloni: “Fatkeqësisht dy lojtarë u larguan sepse nuk kishte asnjë garanci se do të mund të luanin gjatë të gjithë kompeticionin. Jam shumë i mërzitur nga dëmtimet e tyre. Dy lojtarë të tjerë të skuadrës që janë në formë kanë ardhur dhe do të japin kontributin e tyre.”
Discussion about this post