Gjykata Kundër Korrupsionit dhe Krimit të Organizuar ka miratuar kërkesën e SPAK duke vendosur masën e re të sigurisë ndaj liderit të opozitës Sali Berisha, arrest shtëpie i ruajtur me policë.
Avokati i Sali Berishës në një deklaratë për mediat tha se ky vendim përbën një shkelje të rëndë nga Gjykata, dhe padyshim që do e ankimojnë.
“Përfundimisht, gjykata pranoi kërkesën e SPAK, ndryshoi masën e sigurimit. Përfundimisht mbeten dy masa sigurimi: Arrest në shtëpi dhe ndalim i daljes jashtë shtetit, që në fakt janë nonsens, sepse këtë pjesë e ezauron dhe ndalimi i daljes shtetit.
Faktikisht ne kërkesën e kemi depozituar dje në postë, pasi ikte afati dhe nuk kishim setin e provave. Gjykata nuk u shpreh fare me vendim për ta pranuar ose jo. Ndërkohë që kërkesa ishte duke ardhur, e shpalli vendimin.
Sigurisht në panik për përjashtimin e saj (gjyqtares). Ky ishte vendimi sot. Ajo që është shqetësuese është se ky vendim shoqërohet me ndalimin e komunikimit. Për një deputet të Shqipërisë, që komunikimin e ka detyrë funksionale dhe lirinë e shprehjes, që është liri kushtetuese për të cilën SPAK duhet të kishte marr autorizim nga Kuvendi të veçantë që të kryente këtë veprim…”, u shpreh Genc Gjokutaj.
Discussion about this post