Kryetari i PD-së, Sali Berisha ka reaguar lidhur arrestimin e Egert Vargut, anëtarit të këshillit bashkiak të Tiranës pas kapjes së 45 kg kokainë në Durrës.
Berisha shkruan se qeveria është një organizatë e strukturuar kriminale e trafikut të drogës duke shtuar se Edi Narkotiku dhe Lali Droga kanë bërë të mundur veshjen me pushtet të çdo krimineli.
“Këshilltari socialist i Velisë, Vargu, trafikant i kokainës! Çdo javë një zyrtar i Edi Ramës dhe narkoshtetit te tij kapet me drogë! Miq, kjo nuk është më një qeveri, kjo nuk është më një parti që drejton vendin, por një organizatë e strukturuar trafiku droge. Policia ka arrestuar Egert Vargun, si të përfshirë në trafikun e 45 kg kokainë nga Brazili drejt Shqipërisë. Ai figuron këshilltar në Bashkinë e Lali Er Drogës, gjithashtu dhe anëtar i komisionit të financës dhe buxhetit”, shprehet Berisha.
Ndër të tjera Berisha shkruan se qeveritarët socialistë nuk ngopen me vjedhjet në buxhetin dhe pronat publike por duan edhe paratë e drogës.
“Edi Narkotiku dhe Lali Droga kanë bërë të mundur veshjen me pushtet të çdo krimineli, duke i punësuar ata në administratë publike dhe duke i emëruar drejtora e ministra. Për çfarë përgjigjej si këshilltar ky zotëri? Për ekspertizë të thelluar në trafikun e drogës apo për këshilla lidhur me strategjitë që duhet të përdoren nga Lali Droga për mbarëvajtjen e rrugëtimit të kokainës drejt Shqipërisë? Qeveritaret socialistë nuk ngopen me vjedhjet në buxhetin dhe pronat publike por duan edhe paratë e drogës”, shprehet Berisha.
Discussion about this post