Ministri i Brendshëm, Bledi Çuçi, ka reaguar në lidhje me arrestimin e super mashtruesit turk Faruk Fatih Özenë në jug të Shqipërisë. Fillimisht ishin mediat turke ato që konfirmuan se mashtruesi është vënë në pranga nga policia shqiptare dhe kjo bujë e ka çuar në “ekstazë” Çuçin, i cili ka përfituar nga rasti dhe ka thurur lave për Policinë Shqiptare. Përmes një postimi në rrjetet sociale, ai shkruan se kjo ishte një punë e efikase e policisë dhe tregon se autoritet kanë tolerancë zero ndaj krimit.
“Arrestimi i shtetasit turk të shumëkërkuar nga Interpoli një tjetër dëshmi e efikasitet gjithnjë e në rritje të policisë kriminale shqiptare. Përgëzime të gjithë oficerëve që morën pjesë në operacion. Tolerancë zero për krimin e organizuar”, shkruan ministri, por harron se në vend kemi dy atentate endee të pa zbardhura dhe që të përfshirë në të ishin kriminelë në kërkim, të cilët prej kohësh lëvizini lirshëm nën hundën e policisë.
Discussion about this post