Arrestohen 2 shqiptarë në Spanjë, vidhnin bizhuteri

Dy shqiptarë janë arrestuar në Barcelonë të Spanjës, pasi akuzohen për grabitje të pesë banesave. Ata kryesisht vidhnin bizhuteri dhe sende me vlerë.

Mediat spanjolle shkruajnë se shqiptarët e moshave 29 dhe 47 vjeç, pasi kryenin vjedhjet, largoheshin drejt një zone pyjore në Montgati, ku fshihnin veshjet dhe sendet e vjedhura.

Ata ndryshonin targat e makinës, për të shmangur dyshime nga policia spanjolle.

Dy të arrestuarit ndodhen në paraburgim në pritje të masës së sigurisë nga drejtësia spanjolle.