Policia e Bulqizës ka vënë në pranga 42-vjeçarin, Vangjel Qylhanxhiu, pasi ka thyer urdhërin e mbrotjes të bashkëshortes së tij, duke e dhunuar psikologjikisht dhe kërcënuar atë.Policia njofton se arrestimi i 42-vjeçarit është bërë në flagrancë, pasi ky i fundit ishte shfaqur në banesën e bashkëshortes së tij duke e kanosur, ndonëse kjo e fundit kishte urdhër mbrojtje ndaj tij.
“Ky shtetas theu urdhërin e mbrojtjes që kishte bashkëshortja e tij dhe ka shkuar në banesë duke ushtruar dhunë psikologjike dhe kanosur për jetën bashkëshorten.”, thuhet në njoftim.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
Discussion about this post