Arrestohet i moshuari në Vlorë, dhunoi bashkëshorten. 64-vjeçarja ndërron jetë në spital

Një ngjarje e rëndë është shënuar në Vlorë, ku një i moshuar ka rrahur gruan e tij, duke bërë që si pasojë e dëmtimeve të marra të gjejë vdekjen.

Policia e Vlorës arrestoi shtetasin Engjëllush Delia, 70 vjeç, banues në Vlorë, pasi dyshohet se ka dhunuar fizikisht bashkëshorten e tij, shtetasen H. Delia, 64 vjeçe.

E dëmtuara për shkak të dëmtimeve të shkaktuara nga dhuna, ka humbur jetën në spitalin e Traumës në Tiranë.

Lidhur me këtë ngjarje hetimet janë në vijim, për të hedhur më shumë dritë mbi gjithë sa ka ndodhur.