Një sirian me kombësi shqiptare është arrestuar në Tiranë për armëmbajtje pa leje.
Policia thotë se në pranga ka rënë 24-vjeçari Wasim Hajaz. Ai u kap me automjetin tip “Benz” në rrugën “Fuat Toptani” teksa sapo ka parë policët tentoi të largohet me vrap, madje duke hedhur armët.
Në vijim të veprimeve gjatë kontrollit të territorit ku u konstatua ky shtetas, kontrollit fizik dhe të automjetit, iu gjet dhe u sekuestrua në cilësinë e provës materiale 2 armë zjarri pistoleta, njëra me silenciator, municion luftarak, 2 mjete prerëse (thika), 1 përforcues grushti, një kapele me mbishkrimin Policia.
Nën drejtimin e Prokurorisë, vijon puna intensive për zbardhjen e qëllimit që kishte ky shtetas që qarkullonte me armë zjarri me vete.
