Pas shumë diskutimesh, është arritur marrëveshja për pushtetin lokal të Kumanovës. Përmes një postimi në rrjetin social Facebook, kandidati i ASH-së, Bekim Saliu ka bërë të ditur se partia që ai drejton do të përfshihet në programin zhvillimor të komunës. Sakaq, ai është shprehur se duhet më shumë bashkëpunim për këtë komunë dhe partia e tij do të japë kontributin maksimal.
“Programi jonë Pastër tani më edhe zyrtarisht do të inkorporohet në programin zhvillimor të komunës së Kumanovës 2021-2025. Standard ky që po vendoset në këtë mandat ku nga gjitha programet e kandidatëve për kryetar komune, do të merren pikat më të rëndësishme, ndërsa programi jonë me projektet e përbashkëta me iniciativën qytetare Për Kumanovën tonë, do të realizohet si pjesë përbërëse e programit zhvillimor të koalicionit. Për Kumanovën tonë ja Vlen!”, është shprehur ai. Sipas tij, më e rëndësishme është të bashkëpunon për qytetarët se sa të debatosh për garë.
Discussion about this post