Skuadra e Arsenalit vijon serinë e rezultateve pozitive. Londinezët kanë siguruar fitoren e radhës në kampionat duke mundur Uatfordin me rezultatin minimal 1-0. Një performancë mjaft e mirë e të besuarve të trajnerit Mikel Arteta i cili ishte vetëm një hap larg shkarkimit pak javë më parë. Smith realizoi golin e tre pikëve për skuadrën e Arsenalit në minutën e 56 teksa në fraksionin e parë Aubamejang humbi një penallti. Me këtë fitore skuadra e Arsenalit ngjitet në kuotën e 20 pikëve në kampionat.
Antonio Konte debuton me barazim në Premier League. Pak ditë pas fitores në Konferencë Ligë, skuadra e Totenhamit barazoi pa gola në fushën e Evertonit. Një ndeshje shumë e luftuar nga të dyja skuadrat teksa vendasit e mbyllën ndeshjen me një lojtar më pak në fushë. Trajneri Konte nuk i’a doli të gjente ekuilibrat e duhura për të siguruar tre pikët teksa me këtë barazim skuadra londineze renditet në vendin e 9 në kampionat në kuotën e 16 pikëve.
Discussion about this post