Ministria e Shëndetësisë në Kosovë ka njoftuar se gjatë 24 orëve të fundit janë regjistruar 13 raste të reja me koronavirus, duke pësuar një rritje të lehtë në raport me ditët e kaluar, ku regjistroheshin më pak se 10 raste në ditët.
Lajmin e ka bërë të ditur ministria përmes një njoftimi zyrtar, ku shkruan se nuk ka pasur asnjë humbje jete dhe janë shëruar nëntë pacientë,
“Nga 1.162 testime, 13 qytetarë kanë rezultuar pozitiv me virusin COVID-19.Gjatë 24 orëve të fundit, nuk është shënuar asnjë rast i vdekjes. Sot janë shëruar 9 qytetarë, derisa numri i përgjithshëm i të shëruarve është 157.820. Në total numri i rasteve aktive është 324”, thuhet në njoftim. Sakaq, Kosova vazhdon me procesin e vaksinimit, por sërish renditet në një nga vendet me numrin më të ulët të të vaksinuarve.
Discussion about this post